مغربی بنگال کی وزیر اعلیٰ ممتا بنرجی نے آج کہا کہ ان کی حکومت نومبر میں درگا پوجا کی تعطیلات کے بعد متبادل دنوں میں اسکول اور کالج دوبارہ کھولنے کے منصوبے پر غور کر رہی ہے۔
کلکتہ: مغربی بنگال کی وزیر اعلیٰ ممتا بنرجی نے آج کہا کہ ان کی حکومت نومبر میں درگا پوجا کی چھٹیوں کے بعد متبادل دنوں میں اسکول اور کالج دوبارہ کھولنے کے آپشنز پر غور کر رہی ہے۔گزشتہ سال مارچ میں کووڈ 19 وبائی بیماری کے پھیلنے کے بعد سے ہی ریاست میں تعلیمی ادارے بند ہیں۔
ممتا بنرجی نے ریاستی سیکرٹریٹ میں نوبل انعام یافتہ ابھیجیت بنرجی کی سربراہی میں گلوبل ایڈوائزری بورڈ (جی اے بی) کی میٹنگ کے بعد صحافیوں کو بتایا کہ ابھی منصوبہ زیر غور ہے۔ مگر ابھی کچھ بھی حتمی شکل نہیں دی گئی ہے کہ طلبا کس طرح اسکول میں آئیں گے اور اس کا نظام کیا ہوگا۔ وزیراعلیٰ نے اشارہ دیا کہ جلد فیصلہ کیا جائے گا۔ نوبل انعام یافتہ ماہر معاشیات ابھیجیت بنرجی بھی اسی دن عالمی مشاورتی کمیٹی کی میٹنگ میں ممتا بنرجی کے ساتھ تھے۔
মাননীয়া মুখ্যমন্ত্রী @MamataOfficial নোবেল জয়ী অর্থনীতিবিদ অভিজিৎ বন্দ্যোপাধ্যায়ের সঙ্গে সাক্ষাৎ করেছেন।
তাঁরা কোভিড ব্যবস্থাপনার কার্যকারী ব্যবস্থা এবং বাংলার অগ্রগতির উপায় নিয়ে আলোচনা করেছেন।#BengalModel pic.twitter.com/h4GBRsx3oj
— Banglar Gorbo Mamata (@BanglarGorboMB) August 5, 2021
ابھیجیت بنرجی نے کہا کہ وزیر اعلیٰ نے پہلے ہی اسکول کالج کھولنے کے بارے میں سوچنا شروع کر دیا ہے۔ اس کے بعد، وزیر اعلی نے کہا، پوجا کے ایک دن بعد اسکول کھولنے کے بارے میں سوچ رہی ہوں۔ لیکن اگر اسکول کھلا بھی ہے تو کیا بچے اسکول جا سکیں گے؟ بہت سے ماہرین صحت پیش گوئی کر رہے ہیں کہ نوجوانوں کے متاثر ہونے کا زیادہ امکان ہے، خاص طور پر کووڈ کی تیسری لہر میں۔ وزیر اعلیٰ سے اس تشویش کے بارے میں پوچھے جانے پر واضح کیا کہ اس معاملے پر ابھی غور کیا جا رہا ہے۔ ممتا بنرجی نے کہا کہ بچوں کی صحت کا مکمل خیال رکھا جائے گا۔
