مائیکرو سافٹ کے شریک بانی بل گیٹس اور ان کی اہلیہ میلنڈا نے اعلان کیا ہے کہ ان کی طلاق ہو رہی ہے اور 27 سال بعد ان کی شادی اختتام پذیر ہو رہی ہے۔ یہ جوڑا دنیا کی سب سے بڑی نجی فلاحی تنظیم ’بل اینڈ میلنڈا گیٹس فاؤنڈیشن‘ میں مل کر کام کرتا رہے گا۔
سیاٹل: مائیکرو سافٹ کے شریک بانی بل گیٹس اور ان کی اہلیہ میلنڈا نے اعلان کیا ہے کہ وہ طلاق لے رہے ہیں اور 27 سال بعد ان کی شادی ختم ہونے والی ہے۔
یہ جوڑا دنیا کی سب سے بڑی نجی فلاحی تنظیم ’بل اینڈ میلنڈا گیٹس فاؤنڈیشن‘ میں مل کر کام کرتا رہے گا۔
اس جوڑے نے ٹوئٹر پر اعلان کرتے ہوئے کہا کہ وہ اپنی فاؤنڈیشن کے لئے مل کر کام کرتے رہیں گے لیکن ہم بطور میاں بیوی اپنی زندگیوں کے اگلے مراحل میں ایک ساتھ ترقی نہیں کر سکتے۔‘
— Bill Gates (@BillGates) May 3, 2021
انہوں نے ایک بیان میں کہا ’’ہم نے تین ناقابل یقین بچوں کی پرورش کی ہے اور ایک ایسی فاؤنڈیشن بنائی ہے جو پوری دنیا میں کام کرتی ہے تاکہ تمام لوگوں کو صحت مند اور بارآور زندگی گزارنے کے قابل بنایا جاسکے‘‘۔
بل گیٹس دنیا کے سب سے امیر ترین شخصیات میں سے ایک ہیں اور اس کی مجموعی مالیت کا تخمینہ تقریباً 124 ارب ہے۔
