سپریم کورٹ نے بازار میں تیزی کے دوران سیبی اور سیٹ کو ہوشیار رہنے کی مشورت دی ہے۔

سپریم کورٹ نے بین الاقوامی سیکیورٹیز اینڈ ایکسچینج کمیشن...

مرکزی حکومت کا الرٹ، وزارت صحت نے تمام ریاستوں کے لیے ایڈوائزری جاری کی

 مہاراشٹرا میں زیكا وائرس کے کچھ کیسز سامنے آنے...

بھارت-منگولیا مشترکہ فوجی مشق "نومیڈک ایلیفینٹ” میگھالیہ میں شروع

بھارت اور منگولیا کے مشترکہ فوجی مشق "نومیڈک ایلیفینٹ"...

ہاتھرس حادثے میں جاں بحق افراد کے لیے صدر اور وزیراعظم کی تعزیت

صدر دروپدی مرمو اور وزیراعظم نریندر مودی نے منگل...

راشٹریہ شکشک ایوارڈ کے لیے خود نامزدگی 15 جولائی تک: تعلیم وزارت

راشٹریہ شکشک ایوارڈ 2024 کے لیے اہل اساتذہ سے...

مودی نے نوٹ بندی سے لے کر بینک بندی تک ملک کی معیشت کو تباہ کردیا ہے: ممتا بنرجی

ممتا بنرجی نے کہا کہ جب شوبھندو ادھیکاری ترنمول کانگریس میں تھے تو میں نے ان پر آنکھ بند کرکے بھروسہ کیا مگر اس نے دھوکہ دیا اب وہ اپنے روپے بچانے کے لئے بی جے پی میں گئے ہیں۔

ہلدیہ: مغربی بنگال کی وزیر اعلی اور ترنمول کانگریس کی سپریمو ممتا بنرجی نے ہفتہ کے روز کہا کہ وزیر اعظم نریندر مودی نے نوٹ بندی سے لے کر بینک بندی تک اس ملک کی معیشت کو تباہ کردیا ہے۔ بنرجی نے کہا کہ وہ جلد ہی ہلدیہ بندرگاہ فروخت کرنے کا اعلان کرنے والے ہیں۔

شوبھندو ادھیکاری اپنے پیسے بچانے کے لئے بی جے پی میں گئے

یہاں ایک جلسہ عام سے خطاب کرتے ہوئے ترنمول کانگریس کی سپریمو نے کہا کہ جنگ انچ ایک انچ ہوگی، آپ کو ای وی ایم کی حفاظت کرنی ہوگی۔ بٹن کو اس طرح دبائیں کہ بی جے پی بولڈ ہو جائے۔ ممتا بنرجی نے پوچھا کہ شوبھندو ادھیکاری اپنے پیسے بچانے کے لئے بی جے پی میں گئے ہیں۔ ان سے بڑا ٹولہ باز کون ہے۔ ممتا بنرجی نے سوال کیا کہ ادھیکاری سے بھی بڑا کوئی ٹولہ باز ہے؟۔ اب وہ اپنے سارے پیسے بچانے کے لئے بی جے پی میں گئے ہیں۔ مجھے خوشی ہے کہ وہ چلا گیا ہے۔

ممتا بنرجی نے کہا کہ یاد رکھیں کہ یہ لوک سبھا انتخابات نہیں، یہ ریاستی انتخابات ہیں اور میں تمام 294 سیٹوں پر آپ کی امیدوار ہوں۔ اس سے قبل جمعہ کو مشرقی مدنی پور ضلع کے تملک میں ایک جلسہ عام میں، وزیر اعلی نے کہا کہ آئندہ مغربی بنگال اسمبلی انتخابات 2021 کے نتائج 2024 لوک سبھا انتخابات میں نریندر مودی اور امت شاہ جیسے بی جے پی قائدین کی قسمت کا فیصلہ کرے گی۔ ہمیں ان بری قوتوں کے خلاف متحد ہونا پڑے گا۔ وہ ہمیں تقسیم کرنے کے لئے بنگال آئے تھے۔ آپ نے بی جے پی کو (2019 لوک سبھا میں) ووٹ دیا اور انہوں نے آپ کو دھوکہ دیا۔ انہوں نے آپ کو کچھ نہیں دیا۔

ممتا بنرجی نے کہا کہ جب وہ (شوبھندو ادھیکاری) ترنمول کانگریس میں تھے تو میں نے ان پر آنکھ بند کرکے بھروسہ کیا مگر اس نے دھوکہ دیا اب وہ اپنے روپے بچانے کے لئے بی جے پی میں گئے ہیں۔ انہوں نے کہا کہ ہم بنگال کی کسی بھی نشست پر ان کے اور اپوزیشن کے کسی امیدوار کو انچ نہیں چھوڑیں گے۔

وزیر اعلی نے کہا کہ میں این آر سی اور این پی آر بنگال میں نہیں ہونے دوں گی

وزیر اعلی نے کہا کہ میں این آر سی اور این پی آر کو یہاں بنگال میں نہیں ہونے دوں گی۔ جب تک میں زندہ ہوں میں اپنی ریاست کے لوگوں کے تحفظ کے لئے ہر ممکن کوشش کروں گی۔

“تمام اہل طلبہ کو اعلی تعلیم کی فراہمی کے لئے میں جلد ہی ایک نیا اسٹوڈنٹ کریڈٹ کارڈ شروع کروں گی۔ وزیراعلیٰ نے کہا کہ اس کریڈٹ کارڈ میں کریڈٹ کی حد 10 لاکھ روپے ہوگی جس میں سود صرف 4 فیصد ہے جس میں آسانی سے ادائیگی کی جائے گی تاکہ طلبہ کو اپنی تعلیم جاری رکھنے کے لئے اپنے والدین پر انحصار نہ کرنا پڑے۔

ممتا بنرجی نے کہا کہ میں اپنے بھائیوں اور بہنوں سے یہ کہنا چاہوں گی کہ امیدواروں کی طرف مت دیکھیں۔ ترنمول کانگریس کے نشانات کو دیکھیں اور مجھے ووٹ دیں۔ اگر وہ ترنمول کانگریس کو ووٹ نہیں دیتے ہیں تو بنگال تقسیم ہو جائے گا اور لوگ امن سے نہیں رہیں گے۔