پرینکا چترویدی نے راجیہ سبھا میں سادھو سنتوں کو بھی کووڈ کا ٹیکہ لگا نے کا کیا مطالبہ

ملک کی 31 ریاستوں اور مرکز کے زیرانتظام علاقوں میں کورونا کے فعال کیسز میں اضافہ

نئی دہلی: شیوسینا کی پرینکا چترویدی نے جمعہ کے روز راجیہ سبھا میں ملک کے مختلف مقامات پر مقیم سادھو سنتوں کو بھی کووڈ کا ٹیکہ لگا نے کا مطالبہ کیا محترمہ چترویدی نے وقفۂ صفر کے دوران کہا کہ سادھو سنت ملک کے مختلف حصوں میں رہتے ہیں اور بہت سے سنتوں کے پاس آدھار کارڈ بھی نہیں ہوتا ہے۔

انہوں نے کہا کہ یہ لوگ زیادہ دیر تک ایک جگہ پر نہیں رہتے اور یہ کہ ٹیکہ کاری میں سادھو سنتوں کو ترجیح دی جانی چاہئے۔ انہوں نے کہا کہ پہلے مرحلے میں ساٹھ سال سے زائد اور دوسرے مرحلے میں 45 سال سے زائد عمر کے لوگوں کو کووڈ کو ٹیکہ لگایا گیا۔

انہوں نے مزید کہا کہ دمہ کے مریضوں کو بھی ٹیکہ کاری میں شامل کیا جانا چاہئے۔ کورونا کے رہنما خطوط میں دمہ کے مریضوں کو شامل نہیں کیا گیا ہے۔

بھارتیہ جنتا پارٹی کے ہری دوار دوبے نے وقفہ صفر کے دوران ہی اترپردیش کے آگرہ کے آس پاس کے علاقوں میں سیاحتی صنعت کو فروغ دینے کا مطالبہ کیا۔ آگرہ میں تاج محل ہے اور اس کے آس پاس کے علاقوں میں بہت سارے مغلیہ دور کے تاریخی مقامات ہیں، جسے دیکھنے کے لئے ہر روز لاکھوں سیاح آتے ہیں۔

پرینکا چترویدی نے کہا کہ کورونا کی وبا کے دوران گذشتہ ایک سال کے دوران سیاحتی صنعت بری طرح متاثر ہوئی ہے۔ ٹیکسی اور ہوٹل اس سے بری طرح متاثر ہوئے ہیں اور ان کے ملازمین بھوک مری کے شکار ہو گئے ہیں۔

واضح ملک میں کورونا وائرس (کووڈ 19) وبا سے سب سے زیادہ متاثر مہاراشٹر سمیت 31 ریاستوں اور مرکز کے زیر انتظام علاقوں میں گذشتہ 24 گھنٹوں کے دوران فعال کیسز میں اضافہ ہوا ہے۔

اس دوران مہاراشٹرا میں سب سے ز ائد 13601 فعال کیسز بڑھے جس کے بعد ریاست میں یہ تعداد بڑھ کر 1،67،637 ہوگئی ہے۔ اس دوران جن ریاستوں اور مرکز کے زیر انتظام علاقوں میں فعال کیسز کم ہوئے ہیں ان میں کیرالہ، پڈوچیری، لکشدیپ، میزورم اور انڈومان نکوبار شامل ہیں۔

کیرالہ میں اس دوران فعال کیسز 235 کم ہو کر 25463 رہ گئے اور اس دوران مہاراشٹر اور کیرالہ میں اس وبا سے نجات والوں میں کی سب سے زیادہ تعداد 12174 اور 12174 رہی ۔ اس وبا سے سب سے زیادہ صحتیاب ہونے والوں کی تعداد کے معاملے میں مہاراشٹر پہلے اور کیرالہ دوسرے نمبر پر ہے ۔

مرکزی وزارت صحت کی جانب سے جمعہ کی صبح جاری اعداد و شمار کے مطابق گذشتہ 24 گھنٹوں کے دوران کورونا کے 39،726 نئے کیسز سامنے آئے ہیں ، جس سے متاثرہ افراد کی تعداد ایک کروڑ 15 لاکھ 14 ہزار سے زیادہ ہوگئی ہے۔

گزشتہ 24 گھنٹوں کے دوران 20،654 مریض صحتیاب ہوچکے ہیں ، جن سے اب تک صحتیاب ہونے والوں کی تعداد 1،10،83،679 ہو گئی ہے ۔ فعال کیسز 18،918 بڑھ کر 2،71،282 ہوگئے ہیں۔ اسی دوران مزید 154 افراد کی موت ہونے سے مرنے والوں کی تعداد بڑھ کر 1،59،370 ہوگئی ۔