ہماچل پردیش سے بھارتیہ جنتا پارٹی کے رکن پارلیمنٹ رام سوروپ شرما اپنے نارتھ ایونیو رہائشگاہ میں مردہ پائے گئے۔ دہلی پولیس کے ترجمان چنمیہ بسوال نے کہا کہ ایسا لگتا ہے کہ یہ خودکشی کا معاملہ ہے۔
نئی دہلی: ہماچل پردیش سے بھارتیہ جنتا پارٹی کے رکن پارلیمنٹ رام سوروپ شرما بدھ کے روز یہاں اپنے نارتھ ایونیو رہائشگاہ میں مردہ پائے گئے۔
سوروپ شرما کی عمر 63 سال تھی۔ پولیس کے مطابق شرما کے اسٹاف ممبر میں سے ایک نے اس بارے میں اطلاع دی جس کے بعد ایک ٹیم ان کی رہائش گاہ پہنچی۔
پولیس نے بتایا کہ رہائش گاہ پر پہنچنے کے بعد ان کی ٹیم نے دیکھا کہ دروازہ اندر سے بند تھا اور مسٹر شرما مردہ حالت میں پڑے تھے۔ انہیں فوری طور پر اسپتال منتقل کیا گیا جہاں ڈاکٹروں نے اسے مردہ قرار دے دیا۔
دہلی پولیس کے ترجمان چنمیہ بسوال نے کہا کہ ایسا لگتا ہے کہ یہ خودکشی کا معاملہ ہے لیکن ہم تحقیقات کر رہے ہیں۔ پوسٹ مارٹم رپورٹ آنے کے بعد ہی وضاحت سے کچھ کہا جاسکے گا۔
