ممتا بنرجی زخمی، سازش کے تحت دھکا دینے کا الزام

وزیر اعلیٰ ممتا بنرجی نے آج ہی نندی گرام اسمبلی حلقے سے پرچہ نامزدگی داخل کی ہے۔ اطلاعات کے مطابق ممتا بنرجی کو چار سے پانچ لوگوں نے دھکا دیا اس وقت ان کے ساتھ سیکیورٹی اہلکار موجود نہیں تھے۔

کلکتہ: وزیر اعلیٰ ممتا بنرجی نے آج کہا کہ نندی گرام میں کچھ لوگوں نے انہیں ڈھکیل دیا ہے جس کی وجہ سے ان کے پاؤں میں شدید چوٹ لگی ہے۔

خیال رہے کہ آج ہی وزیر اعلیٰ ممتا بنرجی نے نندی گرام اسمبلی حلقے سے پرچہ نامزدگی داخل کی ہے۔ اطلاعات کے مطابق ممتا بنرجی کو چار سے پانچ لوگوں نے دھکا دیا اس وقت ان کے ساتھ سیکیورٹی اہلکار موجود نہیں تھے۔

ممتابنرجی نے کہا کہ انہیں جان بوجھ کر دھکا دیا گیا ہے وہ کلکتہ لوٹ رہی ہیں اور ڈاکٹر کو دکھائیں گی۔ ممتا بنرجی نے کہا کہ الیکشن کمیشن سے اس معاملے کی شکایت کی جائے گی۔ دوسری جانب بی جے پی نے کہا ہے کہ ممتا بنرجی عوامی ہمدردی لینے کے لئے ڈرامہ کررہی ہیں۔

تفصیلات کا انتظار ہے۔