بی جے پی میں شامل ہونے والوں میں چار مرتبہ کی رکن اسمبلی و سابق ڈپٹی اسپیکر سونالی گوہا، جو ایک زمانے میں ممتا بنرجی کی قریبی تھیں، سینگور تحریک میں ممتا بنرجی کے ساتھ رہنے والے 80 سالہ رابند ناتھ بھٹاچاریہ شامل ہیں ۔پارٹی نے ان دونوں کو اس مرتبہ امیدوار نہیں بنایا ہے۔
کلکتہ: ٹکٹ نہ ملنے سے مایوس ترنمول کانگریس کے پانچ ممبران اسمبلی نے آج بی جے پی میں شمولیت اختیار کرلی ہے۔
بی جے پی میں شامل ہونے والوں میں چار مرتبہ کی رکن اسمبلی و سابق ڈپٹی اسپیکر سونالی گوہا، جو ایک زمانے میں ممتا بنرجی کی قریبی تھیں، سینگور تحریک میں ممتا بنرجی کے ساتھ رہنے والے 80 سالہ رابند ناتھ بھٹاچاریہ شامل ہیں ۔پارٹی نے ان دونوں کو اس مرتبہ امیدوار نہیں بنایا ہے۔
چار بار کے ایک اور رکن اسمبلی، 85 سالہ جتو لاہری اور سابق فٹ بالر دبندو بسواس، جو پہلی بار 2016 میں ممبرا سمبلی منتخب ہوئے تھے بھی بی جے پی میں شامل ہوگئے ہیں۔ ان چاروں کو 5 مارچ کو ترنمول کانگریس کے امیدواروں کی فہرست میں شامل نہیں ہونے دیا گیا ہے۔
بی جے پی کے ریاستی صدر دلیپ گھوش، مکل رائے اور شوبھندو ادھیکاری کی موجودگی میں ان لوگوں کو پارٹی میں شامل کرایا گیا ہے۔
ترنمول کانگریس کے ایک اور ممبر اسمبلی سیتل سردار بھی بی جے پی میں شامل ہوگئے ہیں۔ مطلوبہ سیٹ نہیں ملنے کی وجہ سے حبیب پور سے ترنمول کانگریس کی امیدوار سرلا مرمو بھی پارٹی بدل رہی ہیں۔ ترنمول کانگریس نے ان کی جگہ پردیہ باسکی کو صبح ہی امیدوار بنایا ہے۔
38 رکنی مالدہ ضلع پریشد پر بھی بی جے پی نے اپنا کنٹرول کرلیا ہے۔ بنگالی اداکارہ تنوشری چکرورتی بھی بی جے پی میں شامل ہوگئیں۔
ریاست میں اسمبلی انتخابات آٹھ مراحل میں 27 مارچ سے 29 اپریل کے درمیان ہوں گے۔ ووٹوں کی گنتی 2 مئی کو ہوگی۔
