جنوبی 24 پرگنہ میں ہوئے بم دھماکے میں 6 افراد ہلاک

جنوبی 24 پرگنہ میں ہوئے دھماکے میں کم ازکم 6 افراد کی موت ہوگئی ہے۔ ابتدائی تفتیش کے مطابق زخمی ہونے والے کا تعلق ایک خاص سیاسی جماعت سے ہے۔ زخمی افراد کا علاج کیننگ سب ڈویژنل اسپتال میں جاری ہے۔

کلکتہ: جنوبی 24 پرگنہ میں ہوئے دھماکے میں کم ازکم 6 افراد کی موت ہوگئی ہے۔ پولیس کے مطابق یہاں بم سازی کی جارہی تھی۔

سینئر پولیس آفیسر کے مطابق جمعہ کی شب گوسابہ میں یہ واقعہ پیش آیا ہے۔ گھر کا مالک بھی اس واقعے میں زخمی ہوگئے ہیں۔ ابتدائی تفتیش کے مطابق زخمی ہونے والے کا تعلق ایک خاص سیاسی جماعت سے ہے۔ زخمی افراد کا علاج کیننگ سب ڈویژنل اسپتال میں جاری ہے۔

زخمی افراد کے لواحقین نے دعویٰ کیا کہ یہ لوگ بی جے پی کے حامی ہیں اور ترنمول کانگریس کے لوگوں نے اس وقت حملہ کیا ہے جب یہ لوگ شادی میں شرکت کے لئے جارہے تھے۔ دوسری جانب افسر نے کہا کہ یہ دھماکہ اس وقت ہوا ہے جب یہ لوگ بم تیار کررہے تھے۔ ہم اس معاملے کی تحقیقا ت کررہے ہیں۔مقامی لوگوں سے پوچھ تاچھ جاری ہے۔