روس آئندہ ماہ 18 ممالک کے 40 سٹیلائٹ لانچ کرے گا: ذرائع

ذرائع کے مطابق روس کے اس مشن میں خود روس کے علاوہ جنوبی کوریا، جاپان، سعودی عرب، امارات، اسرائیل، تھائی لینڈ، کناڈا، برازیل، جرمنی، ہالینڈ، اٹلی، ارجنٹائنا، ہنگری، تیونس، برطانیہ، اسپین اور سلواکیہ کے سٹیلائٹ شامل ہوں گے۔

ماسکو: روس نے آئندہ ماہ ایک درجن سے زائد ممالک کے 40 سٹیلائٹ کو اپنے سویوز-2 راکٹ کے ذریعہ مدار میں لانچ کا منصوبہ بنایا ہے۔

خلائی صنعت کے ایک اہلکار نے بتایا کہ سویوز-2 خلائی راکٹ جنوبی کوریا کے سی اے ایس 500-1 سٹیلائٹ کے ساتھ بائکنور اسپیس سینٹر سے 20 مارچ 2021 کو پرواز بھرے گا۔

ذرائع کے مطابق جنوبی کوریا کے سی اے ایس 500-1 سٹیلائٹ کے علاوہ دیگر ممالک کے سٹیلائٹ کو بھی اس مشن کے تحت مدار میں پہنچائے جانے کا منصوبہ بنایا گیا ہے۔ مدار میں پہنچائے جانے والے سٹیلائٹوں کی فہرست ابھی حتمی شکل نہيں دی گئی ہے اور سٹیلائٹوں کی تیاری کی بنیاد پر اس میں ترمیم کی جاسکتی ہے۔

ایک دیگر اہلکار نے پیر کے روز بتایا کہ فی الحال، جنوبی کوریا کے سی اے ایس 500-1 سٹیلائٹ کے ساتھ 18 ممالک کے 40 چھوٹے سٹیلائٹوں کو اس میں لانچ کیے جانے کی توقع ہے۔

ذرائع کے مطابق روس کے اس مشن میں خود روس کے علاوہ جنوبی کوریا، جاپان، سعودی عرب، امارات، اسرائیل، تھائی لینڈ، کناڈا، برازیل، جرمنی، ہالینڈ، اٹلی، ارجنٹائنا، ہنگری، تیونس، برطانیہ، اسپین اور سلواکیہ کے سٹیلائٹ شامل ہوں گے۔