مولانا وحیدالدین خان اور مولانا کلب صادق کے علاوہ 10 غیر ملکی بھی پدما اوارڈز سے سرفراز

پدما ایوارڈز 2021: سات پدم وبھوشن، 10 پدم بھوشن اور 102 پدم شری ایوارڈز کا اعلان۔ ایوارڈز میں 29 خواتین، 10 غیر ملکی اور ایک خواجہ سرا شامل ہیں۔ اس کے علاوہ 16 افراد کو بعد از مرگ اعزاز سے نوازا گیا ہے۔

نئی دہلی: حکومت ہند نے سال 2021 کے پدم ایوارڈز کا اعلان کیا ہے۔ ان میں سات پدم وبھوشن، 10 پدم بھوشن اور 102 پدم شری ایوارڈز شامل ہیں۔ ایوارڈز میں 29 خواتین، 10 غیر ملکی اور ایک خواجہ سرا شامل ہیں۔ اس کے علاوہ 16 افراد کو بعد از مرگ اعزاز سے نوازا گیا ہے۔

اس سال ملک میں کسی کو بھی بھارت رتن دینے کا اعلان نہیں کیا گیا ہے۔ بلکہ جاپان کے سابق وزیر اعظم شنزو آبے، مولانا وحیدالدین خان، بی بی لال، سدرشن پٹنائک، ایس پی بالا سبرامنیم، بی ایم ہیگڑے، نریندرسنکھ کپانی، بی بی لال، سدرشن ساہو کو پدم وبھوشن کا اعلان کیا گیا ہے۔

سابق لوک سبھا اسپیکر سومترا مہاجن، نرپیندر مشرا کو پدم بھوشن دینے کا اعلان کیا گیا ہے۔ سابق مرکزی وزیر آنجہانی رام ولاس پاسوان، مولانا کلب صادق مرحوم، کیشو بھائی پٹیل اور آسام کے سابق وزیر اعلی ترون گوگوئی،ترلوچن سنگھ، رجنی کانت دیوی داس شراف،چندرشیکھر کمبرا، کے این شانتا کماری چترا وغیرہ کو پدم بھوشن سے نوازنے کا اعلان کیا گیا ہے۔

بہادری، ممتاز خدمت اور قابل تحسین شراکت کے لئے 946 پولیس اہلکاروں کو یوم جمہوریت کے موقع پر پولیس میڈل سے نوازے جانے کا فیصلہ کیا گیا ہے جن میں سے دو کو صدر کے بہاری کے میڈل سے نوازاجائے گا۔

بہادری کے لئے صدر کے دونوں ہی میڈل بعد از مرگ دیئے جارہے ہیں۔ ان میڈلوں کے لئے جھارکھنڈ پولیس کے آنجہانی اسسٹنٹ پولیس انسپکٹر بنوا اوراوں کو اور سنٹرل ریزرو پولیس فورس کے آنجہانی اسسٹنٹ پولیس انسپکٹر موہن لال کو منتخب کیا گیا ہے۔ ایوارڈز سے سرفراز حضرات کی فہرست حسب ذیل ہے:

پدم وبھوشن (سات)

شنزو آبے … پبلک خدمات
ایس پی بالاسوبرامنیم (بعد از مرگ) … فن
ڈاکٹر بیلے مونپا ہیگڑے … میڈیسن
نریندر سنگھ کپانی (بعد از مرگ) سائنس اور ٹکنالوجی
مولانا وحیدالدین خان … روحانیت
بی بی لال … آثار قدیمہ
سدرشن ساہو … فن

پدما وبھوشن (دس)

کرشنن نائر شانتا کماری چترا … فن،
ترون گوگوئی (بعد از مرگ) … پبلک خدمات
چندر شیکھر کمبارا … ادب اور تعلیم
سمترا مہاجن … عوامی خدمت،
نریپندر مشرا … عوامی خدمت
رام ولاس پاسوان (پعد از مرگ) … عوامی خدمات،
کیشو بھائی پٹیل (بعد از مرگ) … عوامی خدمات،
کلب صادق (بعد از مرگ)… روحانیت
رجنی کانت دیوی داس شراف … بزنس انڈسٹری
ترلوچن سنگھ … عوامی خدمات

پدم شری (102)

گلفام احمد … فن،
پی انیتا … کھیل،
رام سوامی انورپو … فن،
سبو ارموگم … فن،
پرکاش راؤ آساوادی … ادب اور تعلیم
بھوری بائی … فن،
رادھاشیام بارلے … فن،
دھرم نارائن برما … ادب اور تعلیم
لکشمی بڑوا … سماجی خدمات
بیرین کمار بساک … فن،
رجنی بیکٹر … بزنس اینڈ انڈسٹری
پیٹر بروک … آرٹ،
سنگھ کھومی لچھوآک… معاشرتی خدمات
گوپی رام بی۔برابھکت … فن،
بیجائے چکرورتی … عوامی خدمت،
سوجیت چٹواپادھیائے … ادب اور تعلیم
جگدیش چودھری (بعد ازمرگ) … سماجی کام،
تسل ٹریم چونجور … سماجی کام
موما داس … کھیل
شری کانت داتر … ادب اور تعلیم
نارائن دیب ناتھ … فن،
چٹنی دیوی … سماجی خدمات
دلاری دیوی… آرٹ۔

وزیر اعظم جناب نریندر مودی نے ایوارڈ یافتگان کو ٹویٹ کرکے مبارکباد دی۔ انہوں نے کہا کہ "ہمیں ان تمام لوگوں پر فخر ہے جنہیں پدما ایوارڈز سے نوازا گیا ہے۔ ہندوستان بڑے پیمانے پر قوم اور انسانیت کے فروغ کے لئے ان کی حصہ داری کا احترام کرتا ہے۔ مختلف شعبہ ہائے زندگی سے تعلق رکھنے والے ان غیر معمولی افراد نے دوسروں کی زندگیوں معیاری تبدیلی لانے کا عظیم کارنامے انجام دیے ہیں۔”