افغانستان: سیکیورٹی فورسز کی کارروائی میں 40 طالبان ہلاک

وزارت کی طرف سے جاری ایک بیان میں سیکیورٹی فورسز نے فضائیہ کی مدد سے طالبان کے ٹھکانوں کو نشانہ بنایا اور تقریبا 40 طالبان کو ہلاک کردیا۔

کابل: افغانستان کے جنوبی صوبہ قندھار میں سیکیورٹی فورسز کے ایک آپریشن میں تقریبا 40 طالبان ہلاک ہوگئے۔ افغانستان کی وزارت دفاع نے اتوار کو ایک بیان میں یہ اطلاع دی۔
متعلقہ عہدیداروں کے مطابق طالبان صوبہ قندھار کے ضلع ارگندب میں سیکیورٹی چوکیوں پر حملہ اور نشانہ بنانے کی منصوبہ بندی کر رہے تھے۔
وزارت کی طرف سے جاری ایک بیان میں سیکیورٹی فورسز نے فضائیہ کی مدد سے طالبان کے ٹھکانوں کو نشانہ بنایا اور تقریبا 40 طالبان کو ہلاک کردیا۔
سیکیورٹی فورسز نے اس کارروائی میں طالبان کے 13 مختلف طرح کے اسلحہ، پانچ ٹھکانوں اور دو دیگر ٹھکانوں کو تباہ کردیا۔ سیکیورٹی فورسز نے 17 دھماکہ خیز مواد کو بھی ناکارہ بنادیا۔
واضح رہے افغان حکومت اور طالبان کے نمائندوں کے مابین قطر کے دارالحکومت دوحہ میں جاری مذاکرات کے باوجود تشدد ہو رہا ہے۔