اب کسی بھی صارف کو اپنے فون کی اسکرین چیک کرنے، یا کسی بینک ایس ایم ایس کا انتظار کرنے کی ضرورت نہیں ہوگی۔
نئی دہلی: ڈیجیٹل ادائیگی کے پلیٹ فارم فون پے نے اپنے کاروباری ایپ پر 9 سے زیادہ مقامی زبانوں میں صوتی معلومات کی سہولت فراہم کرنے کا اعلان کیا ہے۔
فون پے نے آج یہاں جاری ایک بیان میں کہا ہے کہ کاروبار کے مصروف ترین اوقات کے دوران، خریداروں کو آواز کے ذریعہ معلومات حاصل کرنے میں مدد ملے گی جو وصول کی جانے والی رقم کا اعلان کرتی ہیں، جس سے کسی صارف کو اپنے فون کی اسکرین چیک کرنے، یا کسی بینک ایس ایم ایس کا انتظار کرنے کی ضرورت نہیں ہوگی۔
کمپنی نے فون پے فار بزنس ایپ کو 2018 میں لانچ کیا تھا، جو انگریزی، ہندی، مراٹھی، بنگالی، گجراتی، تمل، تیلگو، ملیالم، کنڑ، اوڈیہ اور آسامی میں دستیاب ہے۔
اس وقت اسے پورے ہندوستان میں ڈیڑھ کروڑ سے زیادہ تجارتی شراکت دار استعمال کررہے ہیں۔
فون پے ایپ متعدد مصنوعات اور لانچوں کے بارے میں معلومات ان کی آسان ترین زبان میں تاجروں کو بھیجتا ہے۔ جب کسی کاروباری کو ایپ پر آن بورڈ کیا جاتا ہے تو فون پے فیلڈ ٹیم بھی تعلیمی مواد شیئر کرتی ہے جو انہیں مختلف مصنوعات اور سہولیات کی خصوصیات کے بارے میں مختلف زبانوں میں معلومات فراہم کرتی ہے، جس میں بغیر کسی رکاوٹ کے سائن اپ عمل کو یقینی بنایا جاتا ہے۔
