ہمارے کسان ہندوستان کے غذائی سپاہی ہیں۔ ان کے خدشات کو ختم کرنے کی ضرورت ہے۔ ان کی امیدوں کو پورا کرنے کی ضرورت ہے۔
ممبئی: اداکارہ پرینکا چوپڑا نے متنازعہ زرعی بل کو لے کر جاری کسانوں کے احتجاج کی حمایت کی ہے۔ انہوں نے پنجابی اسٹار دلجیت دوسنج کی ٹویٹ کو دوبارہ شیئر کیا ہے اور اس مسئلے کے فوری حل کئے جانے کا مطالبہ کیا ہے۔
اپنے ٹویٹر پیغام میں انہوں نے لکھا ہے کہ "ہمارے کسان ہندوستان کے غذائی سپاہی ہیں۔ ان کے خدشات کو ختم کرنے کی ضرورت ہے۔ ان کی امیدوں کو پورا کرنے کی ضرورت ہے۔ ایک ترقی پذیر جمہوریت کی حیثیت سے، ہمیں یہ یقینی بنانا ہوگا کہ اس بحران کا حل جلد سے جلد نکل جائے۔”
Our farmers are India’s Food Soldiers. Their fears need to be allayed. Their hopes need to be met. As a thriving democracy, we must ensure that this crises is resolved sooner than later. https://t.co/PDOD0AIeFv
— PRIYANKA (@priyankachopra) December 6, 2020
پرینکا ان چند بالی ووڈ اسٹار میں شامل ہیں جنھوں نے کسانوں کے احتجاج کی حمایت کی تھی۔ واضح رہیکہ پنجابی فلم انڈسٹری سے وابستہ فلمی ادکاروں کی ایک بڑی تعداد گزشتہ کئی دنوں سے کسانوں کے معاملے کو لیکر کبھی سڑکوں پر تو کبھی سوشیل میڑیا کے توسط سے اپنی حمایت جاری رکھے ہوئے ہیں۔
