انگلینڈ، اسکاٹ لینڈ اور ویلس کے چیف ویٹرنری آفیسرز نے ملک میں جنگلی اور پالتو دونوں طرح کے پرندوں میں ایوین انفلونزا کے کئی معاملے سامنے آنے کے بعد مرغیوں اور پالتو پرندوں کی حفاظت کے لئے کوششیں کرنے کا مشورہ دیا ہے۔
لندن: برطانیہ میں برڈ فلو کے بڑھتے معاملوں کے درمیان افسران نے پرندے پالنے والوں پر پابندی عائد کرتے ہوئے کہا ہے کہ 14 دسمبر سے پرندوں کو یمیشہ گھروں کے اندر رکھیں۔
اس سلسلے میں فوڈ اینڈ رولر ڈپارٹمنٹ نے ایک پریس ریلیز جاری کی ہے۔ پریس ریلیز میں کہا گیا ’’انگلینڈ، اسکاٹ لینڈ اور ویلس کے چیف ویٹرنری آفیسرز نے ملک میں جنگلی اور پالتو دونوں طرح کے پرندوں میں ایوین انفلونزا کے کئی معاملے سامنے آنے کے بعد مرغیوں اور پالتو پرندوں کی حفاظت کے لئے کوششیں کرنے کا مشورہ دیا ہے‘‘۔ افسران نے پرندوں کو گھروں میں رکھنے کا حکم جاری کرتے ہوئے کہا کہ اگرچہ برڈ فلو سے انسانی صحت اور فوڈ سیکیورٹی کے لئے خطرہ ’کافی کم‘ ہے۔
پریس ریلیز میں کہا گیا ہے کہ ’’یہ التزام 14 دسمبر سے نافذ ہوں گے۔ اس کا مطلب ہے کہ سبھی پرندوں کو پرندوں کی پناہ گاہوں میں رکھنا اور بیماری کے پھیلاؤ کو محدود کرنے اور بیماری ختم کرنے کے لئے سخت بایو سیکیورٹی اقدامات پر عمل کرنا قانونی طور پر ضروری ہوگا‘‘۔
