انتخابی نتائج سے یہ واضح ہوگیا ہے کہ وزیر داخلہ امت شاہ بی جے پی کے چانکیہ ہیں
نئی دہلی: شمال مشرق کی تین ریاستوں میں ہوئے اسمبلی انتخابات میں بھارتیہ جنتا پارٹی کی جیت پر دہلی پردیش بی جے پی ایگزیکٹو کمیٹی کے رکن کے ایس دگل نے آج کہا کہ اپوزیشن پارٹیوں کو بری طرح دھچکا لگا۔
انہوں نے یہاں جاری ایک بیان میں کہا کہ انتخابی نتائج سے یہ واضح ہوگیا ہے کہ وزیر داخلہ امت شاہ بی جے پی کے چانکیہ ہیں کیونکہ جس طرح مسٹر شاہ نے وزیر اعظم نریندر مودی کے کاموں کو ملک کے شمال مشرقی علاقے میں عام لوگوں تک پہنچایا ہے۔ آج اسی کا نتیجہ ہے کہ اپوزیشن کو ہر جگہ دھچکا لگ رہی ہے۔
بی جے پی لیڈر نے کہا کہ مسٹر اروند کیجریوال نے دہلی کے لوگوں کے ساتھ ناانصافی کی ہے۔ صحت مند سیاست میں شفافیت ضروری ہے۔ تب ہی کامیابی کی امید کی جا سکتی ہے۔ کیونکہ یہ عوام سب کچھ جانتی ہے۔
انہوں نے کہا کہ جس طرح سے آج دہلی میں بڑے گھپلے منظر عام پر آ رہے ہیں۔ اس سے صاف ہوگیا ہے کہ مسٹر کیجریوال اقتدار کے نہیں پیسے کے بھوکے ہیں۔ محلہ کلینک، شراب گھپلہ، دہلی جل بورڈ میں گھپلہ، اسکول کے کلاس روم میں گھپلہ سمیت دہلی حکومت کے درجنوں محکموں میں جس طرح سے بڑے گھپلے سامنے آرہے ہیں۔
مسٹر دگل نے کہا کہ مسٹر کیجریوال ہندوستانی سیاست میں واحد وزیر اعلیٰ ہیں جو بغیر کسی محکمے کے وزیر اعلیٰ کے عہدے پر فائز ہیں۔ اس کی وجہ صرف یہ ہے کہ وہ پردے کے پیچھے رہ کر گھپلوں کو پناہ دے رہے ہیں اور بالواسطہ طور پر دہلی کے ریونیو کے بڑے پیمانے پر غلط استعمال میں ملوث ہیں۔
