پنجاب میں عام آدمی پارٹی میں لیڈروں اور کونسلروں کی شمولیت کا سلسلہ جاری
چنڈی گڑھ: پنجاب میں بلدیاتی انتخابات سے قبل عام آدمی پارٹی میں لیڈروں اور کونسلروں کی شمولیت کا سلسلہ جاری ہے۔ شری چمکور صاحب، سلطان پور لودھی اور لدھیانہ کے ایک درجن سے زیادہ اکالی اور کانگریسی کونسلروں نے ہفتہ کو چنڈی گڑھ میں پارٹی دفتر میں ایک پریس کانفرنس کے دوران اے اے پی میں شمولیت اختیار کی۔
اے اے پی کے پنجاب انچارج اور ایم ایل اے جرنیل سنگھ نے پارٹی میں شامل ہونے والے نئے ممبران کا رسمی طور پر خیرمقدم کیا۔ شامل ہونے والے کونسلروں میں چمکور صاحب سے پرمجیت کور، سنتوش کمار، کملیش رانی، گرمیت سنگھ، بھوپندر سنگھ، سلطان پور لودھی سے سنیتا رانی لودھی، ساہنیوال سے منجندر سنگھ بھولا ساہنیوال، سندیپ سونی، کلوندر سنگھ، نربھے سنگھ ، میڈیکل ایسوسی ایشن کے صدر وجے پوری، کانگریس سے لالی ہارا، چنچل میہاس عام آدمی پارٹی میں شامل ہوئے ہیں۔
شہید سکھ دیو تھاپر کے خاندان سے تعلق رکھنے والے اور لدھیانہ سے تین بار کارپوریٹر رہ چکے راجو تھاپر بھی آپ میں شامل ہو گئے۔ ان کے علاوہ کونسلر بلجندر سندھو، گرپریت سنگھ بیدی، صدر انسداد دہشت گردی فرنٹ پنجاب انیل شرما، کانگریس کے عہدیدار چنی گل اور منپریت سنگھ بنٹی نے بھی عام آدمی پارٹی میں شمولیت اختیار کی۔
اس موقع پر جرنیل سنگھ نے کہا کہ اے اے پی حکومت کے کاموں، پارٹی کی ایماندار پالیسیوں اور کام کرنے کے اچھے انداز سے متاثر ہو کر لوگ مسلسل آپ میں شامل ہو رہے ہیں۔ انہوں نے پارٹی میں شامل ہونے والے نئے ممبران کو خوش آمدید کہا اور یقین دلایا کہ مان حکومت اپنی تمام ضمانتیں جلد پوری کرے گی۔
