پنجاب حکومت نے گزشتہ ماہ سرکاری اسکولوں کا نام معروف شخصیات کے نام پر رکھنے کا فیصلہ کیا تھا، جس کے تحت پہلے مرحلے میں 12 سرکاری اسکولوں کے نام تبدیل کیے گئے ہیں
چنڈی گڑھ: پنجاب کی حکومت نے مجاہد آزادی، شہید فوجیوں اور معروف مصنفین کی عزت افزائی کرنے اور آنے والی نسلوں کو ان کے بارے میں جانکاری فراہم کرانے کے مقصد سے ریاست کے 12 سرکاری اسکولوں کا نام بدل کر ان معروف شخصیات کے نام پر رکھا ہے۔
ریاست کے تعلیم کے وزیر ہرجوت سنگھ بینس نے بدھ کو یہاں بتایا کہ ریاستی حکومت نے گزشتہ ماہ سرکاری اسکولوں کا نام معروف شخصیات کے نام پر رکھنے کا فیصلہ کیا تھا، جس کے تحت پہلے مرحلے میں 12 سرکاری اسکولوں کے نام تبدیل کیے گئے ہیں۔
اسکولوں کی فہرست
ان میں برنالا ضلع میں انکھی، ریاستی پرائمری اسمارٹ اسکول دھولا، بھٹنڈا ضلع میں شہید کرتار سنگھ سرابھا، گورنمنٹ پرائمری اسکول ہریجن بستی کوٹ پھٹا اور "شہید ادھم سنگھ” گورنمنٹ پرائمری سکول ادھم سنگھ نگر، فتح گڑھ صاحب ضلع میں ‘شہید ملکیت سنگھ’ گورنمنٹ سیکنڈری اسکول پوہلوماجرا، ضلع گورداسپور میں ‘شہید لانس نائک راجندر سنگھ’ گورنمنٹ ہائی اسکول پبرالی کلاں، ہوشیار پور ضلع میں ‘شہید بختابر سنگھ’ گورنمنٹ سینئر سیکنڈری اسکول حاجی پور اور ‘شہید صوبیدار راجیش کمار’، گورنمنٹ ایلیمنٹری اسکول کلیچ پور کلوتاں، پٹیالہ ضلع روڑکی میں فریڈم فائٹر ‘بھائی نانو سنگھ’ پٹھانیہ میموریل گورنمنٹ سیکنڈری اسکول ہردوشرن، ضلع ملیرکوٹلا ‘شہید گرپریت سنگھ باجوہ’گورنمنٹ پرائمری اسکول بڈیشے اور ضلع امرتسر میں ‘شہید ریشم سنگھ’ گورنمنٹ پرائمری اسکول گرونانک پورہ رکھا گیا ہے۔
