مصدق ملک نے صحافیوں سے گفتگو میں کہا کہ پاکستان روس سے گیس اور تیل خریدنے کیلئے تیار ہے، اس حوالے سے روس کو توانائی کی ضروریات کے حوالے سے خط لکھ چکے ہیں

اسلام آباد: پاکستان کے وزیر مملکت برائے پٹرولیم مصدق ملک نے کہا ہے کہ پاکستان روس سے گیس اور تیل خریدنے کیلئے تیار ہے۔

تفصیلات کے مطابق وزیر مملکت برائے پٹرولیم مصدق ملک نے صحافیوں سے گفتگو میں کہا کہ پاکستان روس سے گیس اور تیل خریدنے کیلئے تیار ہے، اس حوالے سے روس کو توانائی کی ضروریات کے حوالے سے خط لکھ چکے ہیں۔ انہوں نے کہا کہ پاکستان پر پابندی لگنے والا کوئی کام نہیں کریں گے، ٹاپی منصوبے کو آگے لیکر جائیں گے۔

وزیر مملکت پٹرولیم نے کہا کہ ٹاپی 8 ارب ڈالرز کا طویل المدتی منصوبہ ہے، جس کے تحت تقریبا 1.4 ارب مکعب فٹ گیس درآمد کی جاسکے گی۔ انھوں نے بتایا کہ اس سال گیس کا بہت بڑا شارٹ فال ہوگا، جنوری اور فروری کیلئے ایک ایک اضافی ایل این جی کارگوز کا بندوبست کرلیا ہے، سردیوں میں گھریلو صارفین کو ترجیحی بنیاد پر گیس دیں گے۔

مسٹر مصدق ملک نے مزید کہا کہ حکومت میں آئے تو پاکستان کمرشل بنیادوں پر ڈیفالٹ کرچکا تھا۔