اتوار کو ملک کے 76 ویں یوم آزادی کے موقع پر فوجیوں سے اپنے خطاب میں، اگنی ویراسکیم کو لے کر اپوزیشن کے ہنگامے کے درمیان، مسٹر سنگھ نے کہا، "وزیر اعظم کی ہدایات کے مطابق ‘اگنی ویر یوجنا’ کا نفاذ بھی فوجی اصلاحات کی سمت میں ایک اہم قدم ہے
نئی دہلی: وزیر دفاع راج ناتھ سنگھ نے تینوں افواج میں جوانوں کی بھرتی کے لیے شروع کی گئی اگنی ویر اسکیم کی ایک بار پھر حمایت کرتے ہوئے کہا کہ یہ فوجی اصلاحات کی طرف ایک اہم قدم ہے۔
اتوار کو ملک کے 76 ویں یوم آزادی کے موقع پر فوجیوں سے اپنے خطاب میں، اگنی ویر اسکیم کو لے کر اپوزیشن کے ہنگامے کے درمیان، مسٹر سنگھ نے کہا، "وزیر اعظم کی ہدایات کے مطابق ‘اگنی ویر یوجنا’ کا نفاذ بھی فوجی اصلاحات کی سمت میں ایک اہم قدم ہے۔ اس اسکیم کے تحت منتخب ہونے والے نوجوان ‘اگنی ویر’ ہوں گے۔ ‘اگنی پتھ’ محب وطن نوجوانوں کو چار سال کی مدت کے لیے مسلح افواج میں خدمات انجام دینے کا موقع فراہم کرتا ہے۔
انہوں نے کہا کہ حکومت نے اپنی چار سالہ مدت کار پوری کرنے والے اگنی ویروں کے مفادات کو مدنظر رکھتے ہوئے کئی موثر اقدامات کیے ہیں اور ان کا اعلان کیا گیا ہے۔
اپوزیشن کے اگنی ویر اسکیم کو لے کر حکومت پر لگاتار حملے
قابل ذکر ہے کہ اپوزیشن اگنی ویر اسکیم کو لے کر حکومت پر لگاتار حملے کر رہی ہے اور اسے افواج کو کمزور اور نوجوانوں کے مستقبل کو تاریک بنانے کا قدم قرار دے رہی ہے۔
مسلح افواج کی بہادری کا ذکر کرتے ہوئے، مسٹرسنگھ نے کہا، "ہماری افواج نے اب تک جنگوں میں شاندار کارکردگی کا مظاہرہ کیا ہے۔ مستقبل کی جنگوں کے تقاضوں اور پیچیدگیوں کو مدنظر رکھتے ہوئے، ہم تینوں افواج کے درمیان انضمام کے لیے بہت تیزی سے کام کر رہے ہیں۔
انہوں نے کہا کہ اس کو مدنظر رکھتے ہوئے ممبئی، گوہاٹی اور پورٹ بلیئر میں مشترکہ ‘لاجسٹک نوڈ’ قائم کیے گئے ہیں جو مسلح افواج کو ان کے چھوٹے ہتھیار، گولہ بارود، راشن، ایندھن، جنرل اسٹور کی اشیاء، شہریوں کی نقل و حمل، خصوصی کپڑوں اوردیگر سامانوں کے لیے کور فراہم کریں گے اور ان کی مہمات کی کوششوں کو ہم آہنگ کرنے کے لیے انجینئرنگ سپورٹ بھی فراہم کریں گے۔
