اساتذہ تقرری گھوٹالہ معاملے میں گرفتار پارتھو چٹرجی اور ان کی خاتون دوست ارپیتا مکھرجی کے ایک اور فلیٹ کی ای ڈی نے لی تلاشی
کلکتہ: اساتذہ تقرری گھوٹالہ معاملے میں گرفتار پارتھو چٹرجی اور ان کی خاتون دوست ارپیتا مکھرجی کے ایک اور فلیٹ کی ای ڈی نے تلاشی لی ہے۔ 22 جولائی کی رات کو ای ڈی نے ارپیتا مکھرجی کے فلیٹ سے 21 کروڑ سے زائد نقد رقم اور کئی لاکھ کے زیورات برآمد کئے تھے۔ اس کے بعد سے ہی ای ڈی ارپیتا مکھرجی اور پارتھو چٹرجی کے جائیداد اور فلیٹ کا پتہ لگارہی ہے اور تلاشی لے رہے ہیں۔
تیا روڈ پر واقع فورٹ اویسس اپارٹمنٹ میں ارپیتا کے فلیٹ ہونے کا پتہ لگنے کے بعد منگل کو ای ڈی دورہ کیا تھا۔ مگر ای ڈی کی ٹیم اندر نہیں جاسکی۔ تاہم آج ای ڈی کی ٹیم پوری تیاری کے ساتھ فلیٹ نمبر 503 میں پہنچی۔
معلوم ہوا ہے کہ فلیٹ کی ملکیت سمیتا جھن جھن والا کے نام ہے۔ اس لیے ای ڈی کو وہاں تلاشی لینے سے پہلے مقامی پولیس اسٹیشن کی اجازت لینی پڑی ہے۔ اس کے علاوہ، رابندر سروبر پولیس اسٹیشن سے تعلق رکھنے والی کئی جائیدادوں میں ارپیتا مکھرجی اور پارتھو چٹرجی کی مشترکہ جائداد ہونے پتہ لگا ہے۔ تلاشی کے دوران مقامی پولیس اسٹیشن کے ساتھ ساتھ رابندر سروبر تھانے کی پولیس بھی موقع پر موجود ہے۔
چٹرجی اور مکھرجی جمعہ تک ای ڈی کی حراست میں
پارتھو چٹرجی اور ارپیتا مکھرجی جمعہ تک ای ڈی کی حراست میں رہیں گے۔ اس لیے بتایا جاتا ہے کہ جمعرات کی صبح 10 بجے سے پارتھو اور ارپیتا سے پوچھ گچھ شروع ہو گئی ہے۔ ای ڈی کے ذرائع کے مطابق، آپا یوٹیلیٹیز سروسز یکم نومبر، 2012 کو کھولی گئی تھی، جس میں پارتھو چٹرجی اور ارپیتا مکھرجی دونوں کا حصہ تھا۔ پوچھ گچھ کے دوران ارپیتا مکھرجی نے دو بینک کھاتوں کی معلومات دی ہے۔
ای ڈی کے افسران بینک اکاؤنٹ کی تفصیلات کا جائزہ لے رہے ہیں۔ انہوں نے پچھلے 9 سالوں میں جو کچھ کیا ہے وہ اس پارٹنرشپ کے ذریعے کیا ہے جس کی وجہ سے چار فلیٹس خریدے گئے۔ ان سے دوبارہ پوچھ گچھ ہوگی۔ ای ڈی کو لگتا ہے کہ تحقیقات سے کئی نئے فلیٹس کا پتہ چل سکتا ہے۔
ای ڈی ذرائع کے مطابق جانچ ایجنسی پتہ چلا ہے کہ یہ پارٹنرشپ کمپنی نومبر 2012 میں بنائی گئی تھی اور اس نے کمپنی کی بیلنس شیٹ باقاعدگی سے جمع کرائی تھی اور انکم ٹیکس جمع کرایا تھا۔ اس تنظیم نے گزشتہ 9 سالوں سے کس طرح کام کیا، اس تمام معلومات کا جائزہ لیا جا رہا ہے۔ ای ڈی کے افسران نے ارپیتا مکھرجی سے پوچھ گچھ کرتے ہوئے اس کمپنی کے بارے میں معلوم حاصل کی ہے۔
