پیر, جون 5, 2023
Homeسیاستدروپدی مرمو نے ملک کے 15 ویں صدر جمہوریہ کے بطور حلف...

دروپدی مرمو نے ملک کے 15 ویں صدر جمہوریہ کے بطور حلف لیا

محترمہ دروپدی مرمو نے پیر کے روز پارلیمنٹ کے سنٹرل ہال میں ملک کے 15 ویں صدر جمہوریہ کے بطور حلف لیا، محترمہ مرمو آزاد ہندوستان میں پیدا ہونے والی ملک کی پہلی اور سب سے کم عمر صدر جمہوریہ ہیں

نئی دہلی: محترمہ دروپدی مرمو نے پیر کے روز پارلیمنٹ کے سنٹرل ہال میں ملک کے 15 ویں صدر جمہوریہ کے بطور حلف لیا۔ وہ ملک کی دوسری خاتون اور قبائلی برادری کی پہلی لیڈر ہیں جو ملک کے اس اعلیٰ ترین آئینی عہدے پر پہنچی ہیں۔

چیف جسٹس این وی رمن نے محترمہ مرمو کو اپنے عہدے کا حلف دلایا۔ محترمہ دروپدی مرمو آزاد ہندوستان میں پیدا ہونے والی ملک کی پہلی اور سب سے کم عمر صدر جمہوریہ ہیں۔ انہوں نے سبکدوش ہونے والے صدر رام ناتھ کووند کی میعاد پوری ہونے کے بعد یہ عہدہ سنبھالا ہے۔

حلف برداری کی تقریب میں مسٹر رام ناتھ کووند، نائب صدر جمہوریہ ایم وینکیا نائیڈو، وزیر اعظم نریندر مودی، لوک سبھا اسپیکر اوم برلا، مرکزی وزراء، ارکان پارلیمنٹ، مختلف سفارتی مشنوں کے سربراہان اور متعدد معززین موجود تھے۔ اس موقع پر صدر جمہوریہ کو 21 توپوں کی سلامی دی گئی۔

حلف لینے کے بعد محترمہ دروپدی مرمو نے بطور صدر جمہوریہ اپنا پہلا خطاب کیا۔

خطاب کے بعد محترمہ مرمو اور سبکدوش ہونے والے صدر روایتی قافلے میں راشٹرپتی بھون کے لیے روانہ ہوئے۔

Stay Connected

1,388FansLike
170FollowersFollow
441FollowersFollow
RELATED ARTICLES

Stay Connected

1,388FansLike
170FollowersFollow
441FollowersFollow

Most Popular

Recent Comments