فضائیہ میں اگنی ویروں کی تقرری کے لیے امتحان میں 30 ہزار سے زیادہ امیدواروں نے شرکت کی
کانپور: فضائیہ میں اگنی ویروں کی تقرری کے لئے اتوار کو یہاں سخت بندوبست کے درمیان امتحان کا آغاز ہوگیا۔
ضلع کے 16 الگ الگ امتحانی مراکز پر جاری اس امتحان میں 30 ہزار سے زیادہ امیدواروں نے شرکت کی۔ پہلی شفٹ کے امتحان میں صبح پونے نو بجے جبکہ دوسری شفٹ کا امتحان ساڑھے 11 بجے شروع ہوا۔ اس کے بعد سوا تین بجے سے تیسرے اور آج کے آخری شفٹ میں امتحان ہوا۔
امتحانی مراکز کے اندر کی کمان فضائیہ کے افسران اور جوانوں کے ہاتھوں میں رہی جبکہ امتحانی مراکز کے باہر فضایہ کے ساتھ مقامی پولیس کے جوان بھی تعینات کئے گئے تھے۔
آن لائن امتحان کے لئے پہنچے امیدواروں کو سخت اصول و ضوابط سے ہوکر گزرنا پڑا جس کی وجہ سے کچھ امیدوار ناخوش بھی نظر آئے۔ ریاست کے الگ الگ اضلاع میں امتحان دینے پہنچے امیدواروں کی سہولیت کے لئے بس اسٹیشن اور ریلوے اسٹیشن پر خصوصی انتظام کئے گئے تھے۔ امتحانی مراکز کی نگرانی سی سی ٹی وی کیمروں سے کی جارہی ہے۔
