الیکشن کمیشن کے مطابق اس بار صدارتی انتخاب میں کل 4796 ووٹرز تھے جن میں سے 99 فیصد نے اپنا حق رائے دہی استعمال کیا۔ گیارہ ریاستوں اور مرکز کے زیر انتظام علاقے پڈوچیری میں 100 فیصد ووٹنگ ہوئی
نئی دہلی: نیشنل ڈیموکریٹک الائنس (این ڈی اے) کی امیدوار دروپدی مرمو صدارتی انتخاب کے پہلے مرحلے کے ووٹوں کی گنتی کے بعد کل درست 748 ووٹوں میں سے 540 ووٹوں کے ساتھ آگے ہیں، جبکہ اپوزیشن کے مشترکہ امیدوار یشونت سنہا 208 ووٹ ملے ہیں۔
جمعرات کی صبح پارلیمنٹ ہاؤس میں شروع ہونے والی گنتی کے پہلے مرحلے میں تمام اراکین پارلیمنٹ کے ووٹوں کی گنتی کی گئی۔ انتخاب کے لیے مقرر کردہ ریٹرننگ آفیسر اور راجیہ سبھا کے سکریٹری جنرل پی سی مودی نے بتایا کہ 748 درست ووٹوں میں سے محترمہ مرمو کو 540 ووٹ ملے جبکہ مسٹر سنہا کو 208 ووٹ ملے۔
انہوں نے کہا کہ ووٹ ویلیو کے حساب سے کل 523600 میں سے محترمہ مرمو کو 378000 جبکہ مسٹر سنہا کو 145600 ووٹ ملے۔
دوسرے راؤنڈ میں ریاستی اسمبلیوں میں ایم ایل اے کے ڈالے گئے ووٹوں کی گنتی کی جا رہی ہے۔ صدارتی انتخاب میں 99 فیصد ووٹرز نے اپنا حق رائے دہی استعمال کیا۔
الیکشن کمیشن کے مطابق اس بار صدارتی انتخاب میں کل 4796 ووٹرز تھے جن میں سے 99 فیصد نے اپنا حق رائے دہی استعمال کیا۔ گیارہ ریاستوں اور مرکز کے زیر انتظام علاقے پڈوچیری میں 100 فیصد ووٹنگ ہوئی۔ صدارتی انتخاب کے لیے دہلی اور پڈوچیری سمیت 30 مقامات پر ووٹنگ ہوئی۔ اس انتخاب میں راجیہ سبھا اور لوک سبھا کے ارکان کے علاوہ ریاستوں اور مرکز کے زیر انتظام علاقوں کی قانون ساز اسمبلیوں کے ساتھ منتخب نمائندوں کو بھی ووٹ ڈالنے کا حق حاصل تھا۔
