اترپردیش کے ضلع قنوج میں شرپسند عناصر کی جانب سے مذہبی عبادت گاہ میں گوشت کے ٹکڑے پھینک کر حالات کشیدہ کرنے کی کوشش کے بعد حکومت نے انڈین ایڈمنسٹریٹیو سروس (آئی اے ایس) کے 4 اور انڈین پولیس سروس (آئی پی ایس) کے 9 افسران کا تبادلہ کیا ہے
لکھنؤ: اترپردیش کے ضلع قنوج میں شرپسند عناصر کی جانب سے مذہبی عبادت گاہ میں گوشت کے ٹکڑے پھینک کر حالات کشیدہ کرنے کی کوشش کے بعد حکومت نے اتوار کو ڈسٹرکٹ مجسٹریٹ (ڈی ایم) اور سپرنٹنڈنٹ آف (ایس پی) پولیس کا تبادلہ کردیا۔
ساتھ ہی حکومت نے انڈین ایڈمنسٹریٹیو سروس (آئی اے ایس) کے 4 اور انڈین پولیس سروس (آئی پی ایس) کے 9 افسران کا تبادلہ کیا ہے۔
آفیشیل ترجمان کے مطابق ڈی ایم چترکوٹ شبھرنٹ شکلا کی جگہ پر راکیش کمار مشرا کو تعینات کیا گیا ہے۔ اسی طرح سے ایس پی راجیش کمار شریواستو کو ویٹنگ لسٹ میں ڈال دیا گیا ہے اور لکھنؤ کے ایس پی ویجیلنس کنور انوپ سنگھ کو ان کی جگہ پر تعینات کیا گیا ہے۔
مندر میں گوشت کے ٹکڑے پھینکنے کے بعد حالات کشیدگی
قابل ذکر ہے کہ قنوج کے تالاگرام پولیس اسٹیشن کے رسول آباد گاؤں میں ہفتہ کو اس وقت حالات کشیدہ ہوگئے تھے جب شرپسند عناصر نے مندر میں گوشت کے ٹکڑے پھینک دئیے۔ اس واقعہ سے مشتعل کچھ افسران نے مذہبی مقامات میں توڑ پھوڑ کی اور دوکانوں کو آگ کے حوالے کردیا۔
وہیں حکومت نے بریلی کے میونسپل کمشنر ابھیشیک آنند کو چترکوٹ کا ڈی ایم بنایا گیا ہے۔ یوپی پبلک سروس کمیشن پریاگ راج کے سکریٹری جگدیش کو اکسائز ڈپارٹمنٹ میں اسپیشل سکریٹری بنایا گیا ہے۔
کوآپریٹیو ڈپارٹمنٹ کے اڈیشنل کمشنر (انتظامیہ) کھیمپال سنگھ کو یوپی پی ایس سی کا سکریٹری بنایا گیا ہے۔ جبکہ اکسائز کے اسپیشل سکریٹری ندھی گپتا واتس کو بریلی کا میونسپل کمشنر بنایا گیا ہے۔
آئی پی ایس افسران میں لاجسٹک کے اڈیشنل ڈائریکٹر جنرل آف پولیس (اے ڈی جی) بی کے موریہ کو اسی ڈپارٹمنٹ میں ڈی جی بنایا گیا ہے۔ سنٹرل ڈیپوٹیشن سے واپسی کے بعد انوپم کلشریشٹھا کو ٹریفک اینڈ روڈ سیکورٹی کا اے ڈی جی بنایا گیا ہے۔
ٹیکنیکل سروس کے آئی جی موہت اگروال کو اسی محکمے میں اے ڈی جی بنایا گیا ہے جبکہ آئی جی پی اے سی مشرقی زون بی آر مینا کو اے ڈی جی رولس اور مینول بنایا گیا ہے۔ ایس پی پی ٹی سی سیتا پور شفیق احمد کو ویٹنگ لسٹ میں ڈال دیا گیا ہے۔
ایس پی پی ٹی ایس جالون رادھے موہن بھاردواج کو ہمانشو کمار کی جگہ پر سیتا پور 28 واہنی کا کمانڈنٹ بنایاگیا ہے۔جبکہ ہمانشو کمار کو مرادآباد پی اے سی 23 بھیج دیا گیا ہے۔ وہیں پی اے سی۔23 کے کمانڈنٹ شالنی کو پی اے سی 41 غازی آباد بھیج دیا گیا ہے۔
