بی ایس پی سپریمو نے ٹویٹ کیا کہ مرکز نے اب اگلے ڈیڑھ سال میں یعنی لوک سبھا عام انتخابات سے پہلے 10 لاکھ تقرریوں کا اعلان کیا ہے جو کہیں نیا انتخابی دھوکہ تو نہیں ہے
لکھنؤ: بہوجن سماج پارٹی (بی ایس پی) سپریمو مایاوتی نے منگل کو کہا کہ مرکز میں حکمراں جماعت بی جے پی حکومت کے ذریعہ اگلے ڈیڑھ سالوں میں دس لاکھ تقرریوں کا اعلان محض ایک دھوکہ ہے۔
مایاوتی نے کہا کہ مرکز کی غلط پالیسیوں اور طرز عمل کی وجہ سے ملک میں غریبی، مہنگائی اور بے روزگاری شباب پر ہے۔ ایسے میں جب لوک سبھا انتخابات نزدیک ہیں تب دس لاکھ تقرری کا اعلان انتخابی سیاست سے متاثر معلوم ہوتا ہے۔ انہوں نے دلت اور پسماندہ طبقات کو نظر انداز کرنے کا الزام لگاتے ہوئے کہا کہ سماج کے اس طبقے کے لوگ غریبی اور بے روزگاری کی مار سب سے زیادہ جھیل رہے ہیں لیکن حکومت خاموش ہے۔
بی ایس پی سپریمو نے ٹویٹ کیا ’مرکز کی غلط پالیسیوں و طرز عمل کی وجہ سے غریبی، مہنگائی، بے روزگاری و روپئے کی گرتی قدر وغیرہ اپنے شباب پر ہے جس سے سبھی عاجز و بے چین ہیں۔ تب مرکز نے اب اگلے ڈیڑھ سال میں یعنی لوک سبھا عام انتخابات سے پہلے 10 لاکھ تقرریوں کا اعلان کیا ہے جو کہیں نیا انتخابی دھوکہ تو نہیں ہے۔
1. केन्द्र की गलत नीतियों व कार्यशैली के कारण गरीबी, महंगाई, बेरोजगारी व रुपए का अवमूल्यन आदि अपने चरम पर है जिससे सभी त्रस्त व बेचेन हैं, तब केन्द्र ने अब अगले डेढ़ वर्ष में अर्थात लोकसभा आमचुनाव से पहले 10 लाख भर्ती की घोषणा की है जो यह कहीं नया चुनावी छलावा तो नहीं है? 1/2
— Mayawati (@Mayawati) June 14, 2022
انہوں نے کہا ’ساتھ ہی ایس سی، ایس ٹی و او بی سی طبقات کے اس سے کئی گنا زیادہ سرکاری اسامیاں خالی پڑی ہیں۔ جن کو خصوصی مہم چلا کر بھرنے کا مطالبہ بی ایس پی پارلیمنٹ کے اندر و باہر بھی لگاتار کرتی رہی ہے۔ ان کے بارے میں حکومت چپ ہے جبکہ یہ سماج غریبی و بے روزگاری وغیرہ سے سب سے زیادہ دکھی و متاثر ہے۔
2. साथ ही, एससी, एसटी व ओबीसी वर्गों के इससे कई गुणा अधिक सरकारी पद वर्षों से रिक्त पड़े हैं जिनको विशेष अभियान चलाकर भरने की माँग बीएसपी संसद के अन्दर व बाहर भी लगातार करती रही है। उनके बारे में सरकार चुप है जबकि यह समाज गरीबी व बेरोजगारी आदि से सर्वाधिक दुःखी व पीड़ित है। 2/2
— Mayawati (@Mayawati) June 14, 2022