بی ایس ایف اہلکاروں نے ارینہ سیکٹر میں بین الاقوامی سرحد پر ایک مشتبہ ڈورون کی سرگرمی دیکھتے ہی اس کی طرف گولیاں چلائیں
جموں: بارڈر سیکورٹی فورس (بی ایس ایف) اہلکاروں نے ارینہ علاقے میں بین الاقوامی سرحد پر ایک مشتبہ ڈرون کی سرگرمی دیکھتے ہی اس کی طرف گولیاں چلائیں۔
سرکاری ذرائع نے بتایا کہ ارینہ سیکٹر میں بین الاقوامی سرحد پر بی ایس ایف اہلکاروں نے ایک مشتبہ ڈورن کے گھومنے کی آواز سنی۔
انہوں نے کہا کہ آواز سنتے ہی مستعد اہلکاروں نے اس کی طرف گولیاں چلائیں۔
ان کا مزید کہنا تھا کہ اس واقعے کے فوراً بعد پولیس کی مدد سے اس علاقے کو محاصرے میں لیا گیا اور بڑے پیمانے پر تلاشی آپریشن شروع کر دیا گیا۔
قابل ذکر ہے کہ جموں کے آر ایس پورہ سیکٹر میں 24 فروری کو ڈرون سرگرمی کے بعد پولیس نے ایک تلاشی آپریشن کے دوران بھاری مقدار میں اسلحہ و گولہ بارود بر آمد کیا۔
دریں اثنا بی ایس ایف ذرائع نے بتایا کہ ارینہ سیکٹر میں پاکستانی ڈرون کی نقل وحرکت کے بعد ایل او سی پر ہائی الرٹ جاری کیا گیا ہے۔
انہوں نے بتایا کہ بین الاقوامی کنٹرول لائن پر تعینات افواج کو چوبیس گھنٹے متحرک رہنے کے احکامات صادر کئے گئے۔
