آندھراپردیش کے ضلع سریکاکلم میں پیش آئے سڑک حادثہ میں دس افراد زخمی ہوگئے، زخمیوں میں چار کی حالت تشویشناک بتائی جاتی ہے
حیدرآباد: مندر میں درشن کے بعد واپسی کے دوران آندھراپردیش کے ضلع سریکاکلم میں پیش آئے سڑک حادثہ میں دس افراد زخمی ہوگئے۔
یہ حادثہ ضلع کے پالناپورم کے قریب اُس وقت پیش آیا جب بولیرو گاڑی کے ڈرائیور نے اس کا توازن کھودیا اور یہ گاڑی سڑک سے کھیت میں گرپڑی۔
اس حادثہ میں بولیرو گاڑی میں سوار دس افراد زخمی ہوگئے جن کو علاج کے لئے جی جی ایچ اسپتال منتقل کیاگیا۔ زخمیوں میں چار کی حالت تشویشناک بتائی جاتی ہے۔ زخمیوں کا تعلق کوتماں دیہات سے ہے۔
