ممبئی پولیس نے ہندوستانی کرکٹر وراٹ کوہلی کی بیٹی کی عصمت دری کرنے کی دھمکی دینے والے نوجوان کو حیدرآباد سے گرفتار کر لیا ہے۔ اس نوجوان کی شناخت رام ناگیش کے طور پر کی گئی ہے۔
حیدرآباد: ممبئی پولیس نے ہندوستانی کرکٹر وراٹ کوہلی کی بیٹی کی عصمت دری کرنے کی دھمکی دینے والے نوجوان کو حیدرآباد سے گرفتار کر لیا۔
اس نوجوان کی شناخت رام ناگیش کے طور پر کی گئی ہے۔ اس نے یہ دھمکی آن لائن دی تھی۔ ممبئی پولیس سائبر سیل نے 23 سالہ شخص کو حیدرآباد سے گرفتار کیا۔ اس کو ممبئی لے جایا گیا۔
اس نے ٹی 20 عالمی کپ میں پاکستان کے ہاتھوں ہندوستانی ٹیم کی شکست کے بعد کوہلی کی جانب سے فاسٹ بولر محمد سمیع کی حمایت کے بعد ٹوئٹر پوسٹ پر آن لائن یہ دھمکی دی تھی۔
مختلف میڈیا ایجنسیوں کی جانچ نے اس بات کا اشارہ کیا تھا کہ یہ ٹوئٹر ہینڈل جس سے یہ دھمکی دی گئی تھی، پاکستان سے ہے۔ تاہم کوئنٹ ویب فیکٹ چیکنگ ٹیم نے پتہ چلایا کہ یہ اکاؤنٹ جس سے دھمکی دی گئی تھی وہ جاریہ سال اپریل میں بنایا گیا ہے۔ اس کے یوزرنام اور ٹوئٹر ہینڈل کو کئی مرتبہ تبدیل کیا گیا۔ بعد ازاں پتہ چلا کہ اس ٹوئٹر کو چلانے والے کا تعلق حیدرآباد سے ہے جس پر کارروائی کرتے ہوئے اس شخص کی گرفتاری کو یقینی بنایا گیا۔
