منگل, مارچ 28, 2023
Homeعالمیکابل ایئرپورٹ چلانے کے بارے میں ابھی کوئی فیصلہ نہیں: ترک صدر

کابل ایئرپورٹ چلانے کے بارے میں ابھی کوئی فیصلہ نہیں: ترک صدر

ترک میڈیا کے مطابق صدر اردوان نے کہا کہ ترکی نے نئی افغان انتظامیہ سے کابل میں پہلی دفعہ مذاکرات کیے ہیں یہ مذاکرات کابل ائیرپورٹ پر ترکی کے عارضی سفارتخانے میں ہوئے۔

انقرہ: ترک صدر رجب طیب اردوان نے کہا ہے کہ کابل ایئرپورٹ چلانے کے لیے طالبان کی پیشکش کا جائزہ لے رہے ہیں۔

ترک میڈیا کے مطابق صدر اردوان نے کہا کہ ترکی نے نئی افغان انتظامیہ سے کابل میں پہلی دفعہ مذاکرات کیے ہیں یہ مذاکرات کابل ایئرپورٹ پر ترکی کے عارضی سفارتخانے میں ہوئے۔

انہوں نے کہا کہ کابل ائیرپورٹ چلانے کے لیے طالبان کی پیشکش کا جائزہ لے رہے ہیں اور اپنی تجاویز بھی پیش کی ہیں۔ تاہم ہوائی اڈے کا نظم و نسق سنبھالنے کا فی الحال حتمی فیصلہ نہیں ہوا۔

تفصیلات کے مطابق ترک صدر رجب طیب اردوان نے اپنے بیان میں کہا ہے کہ کابل ائیرپورٹ پر تکنیکی سپورٹ فراہم کرنے کا حتمی فیصلہ نہیں کیا۔ طالبان نے کابل ائیرپورٹ پر ٹیکنیکل سپورٹ فراہم کرنے کی درخواست کی ہے اور کہا ہم سیکیورٹی فراہم کریں گے آپ آپریٹ کریں۔

کابل ائیرپورٹ پر مزید حملوں کا امکان

کابل میں ہونے والے خوفناک دھماکوں پر ترک صدر نے کہا کہ ہم کابل میں رونما ہونے والی سانحہ اور دہشت گردانہ حملوں پر لعنت و ملامت بھیجتے ہیں۔ ترک فوج کا افغانستان سے انخلا کا عمل جاری ہے اور اس مشن کو قلیل مدت اور سرعت سے پایہ تکمیل تک پہنچائیں گے۔ ترک صدر نے کابل ائیرپورٹ پر مزید حملوں کا امکان ظاہر کرتے ہوئے کہا ہم نے طالبان کی درخواست سے متعلق فیصلہ نہیں کیا۔

صدر رجب طیب ایردوان نے بوسنیا کے دورے پر روانگی سے قبل استنبول ائیرپورٹ پر میڈیا سے گفتگو میں کہا کہ ترکی پورے بلقان خطے کی ترقی اور اس کی خوشحالی اور امن کو بہت اہمیت دیتا ہے۔

واضح رہے کہ طالبان نے ترکی سے کابل ائیرپورٹ پر تیکنیکی مدد فراہم کرنے کی استدعا کرتے ہوئے کہا تھا کہ ترک فوج کو بھی 31 اگست کی ڈیڈلائن پر انخلا کرنا ہوگا۔ جس پر ترک حکام نے آمادگی کا اظہار کرتے ہوئے کہا تھا کہ فوج کے انخلا کیلئے تیار ہیں۔ تاہم طالبان کی درخواست پر حتمی فیصلہ 31 اگست کی ڈیڈلائن کے بعد کریں گے۔

Stay Connected

1,388FansLike
170FollowersFollow
441FollowersFollow
RELATED ARTICLES

Stay Connected

1,388FansLike
170FollowersFollow
441FollowersFollow

Most Popular

Recent Comments