منگل, مارچ 28, 2023
Homeعالمیامریکی بحریہ نے دو ایم ایچ 60 آر ہیلی کاپٹر ہندوستانی بحریہ...

امریکی بحریہ نے دو ایم ایچ 60 آر ہیلی کاپٹر ہندوستانی بحریہ کو سونپے

سین ڈیاگو کے بحریہ کے ہوائی اڈے نارتھ آئیس لینڈ یا این اے ایس نارتھ آیس لینڈ میں ہوئی تقریب میں امریکی بحریہ نے ہندوستانی بحریہ کو باضابط طور پر ملٹی رول ہیلی کاپٹر (ایم آر ایچ) سونپے۔

واشنگٹن: ہند ۔ امریکہ دفاعی شراکت داری کو اور زیادہ مضبوط کرتے ہوئے امریکی بحریہ نے دو ایم ایچ 60 آر ہیلی کاپٹر ہندوستانی بحریہ کو سونپ دیئے ہیں۔

سین ڈیاگو کے بحریہ کے ہوائی اڈے نارتھ آئیس لینڈ یا این اے ایس نارتھ آیس لینڈ میں ہوئی تقریب میں امریکی بحریہ نے ہندوستانی بحریہ کو باضابط طور پر ملٹی رول ہیلی کاپٹر (ایم آر ایچ) سونپے۔ اس دوران امریکہ میں ہندوستان کے سفیر ترن جیت سنگھ سندھو بھی موجود تھے۔

اس موقع پر مسٹر سندھو نے کہا کہ سبھی موسموں میں کام کرنے والے ملٹی رول ہیلی کاپٹروں کا بیڑے میں شامل ہونا ہند۔ امریکہ دو طرفہ دفاعی تعلقات میں اہم قدم ہے۔

انہوں نے آج ٹویٹ کرکے کہا ’’ہند۔ امریکہ کے دفاعی تعلقات مضبوط ہو رہے ہیں‘‘۔

انہوں نے بتایا کہ ہیلی کاپٹر سونپے جانے کی تقریب میں امریکہ بحریہ کے کمانڈر وائس ایڈمرل کینتھ وائٹ سیل اور ہندوستانی وائس ایڈمرل رونیت سنگھ شامل ہوئے۔

ہندوستان امریکہ سے 24 ملٹی رول ہیلی کاپٹر خرید رہا ہے۔ ان دو ہیلی کاپٹروں کا ہندوستان کو سونپا جانا اسی عمل کا حصہ ہے۔

اس ہیلی کاپٹر پر تربیت لینے کے لئے ہندوستانی بحریہ کے 18 جوان پہلے ہی سے امریکہ میں موجود ہیں۔ آئندہ تین برسوں میں ہندوستان کو سبھی 24 ہیلی کاپٹر سونپ دیئے جائیں گے۔

یہ ہیلی کاپٹر حاصل ہونے سے ہندوستانی بحریہ کی بحر ہند کے خطہ میں آبدوز مخالف جنگی صلاحیتوں میں اضافہ ہوگا۔

Stay Connected

1,388FansLike
170FollowersFollow
441FollowersFollow
RELATED ARTICLES

Stay Connected

1,388FansLike
170FollowersFollow
441FollowersFollow

Most Popular

Recent Comments